Nëntë persona të tjerë janë shëruar sot nga koronavirusi në Kosovë.

E nga ky numër, tetë prej tyre vijnë nga komuna e Malishevës, që është komuna e dytë më e prekur në Kosovë nga Covid-19, pas Ferizajt, shkruan Gazeta Sinjali.

Bazuar në rezultatet zyrtare nga Instituti Kombëtar i Shëndetit Publik, në rezultatet e publikuara sonte, më 18 prill 2020, tetë (8) persona nga Komuna e Malishevës, konsiderohen plotësisht të shëruar, pasi edhe në analizën e dytë kanë rezultuar negativ.

Kështu numri i të shëruarve në Komunën e Malishevës, shkon në 31 persona të shëruar dhe ky është një lajm i mirë dhe tregues i mirë, pasi gradualisht po rritet numri i të shëruarve.

Gjendja aktuale në Komunën e Malishevës është si vijon:

70 persona të prekur me COVID-19, prej tyre 31 persona janë shëruar, një ka pësuar me fatalitet dhe aktualisht të prekur me COVID-19, janë 36 persona, të cilët janë duke u trajtuar në Klinikën Infektive apo në shtëpitë e tyre./GazetaSinjali/