Koronavirusi ka shkaktuar 7 mijë e 994 viktima dhe 199 mijë e 394 të infektuar në të gjithë botën.

Deri tani janë shëruan 82 mijë e 806 pacientë dhe kanë lënë spitalet.

Vendi më i prekur është, aty nga ku filloi shpërthimi i koronavirusit, Kina me 3 mijë e 237 viktima dhe 80 mijë e 894 të infektuar, ku edhe ka filluar rënia e rasteve të infektuara.

Organizata Botërore të Shëndetësisë e ka konsideruar Evropën si epiqendrën e re të pandemisë COVID-19.

Vendi i dytë më i prekur është Italia me 2 mijë e 503 viktima dhe 31 mijë e 506 të infektuar. Prej disa ditësh vendi është shpallur zonë e kuqe.

Vendi i tretë më i prekur është Irani me 988 viktima dhe 16 mijë e 169 të infektuar.

Edhe në Francë shifrat janë alarmante pasi janë regjistruar 175 viktima dhe 7 mijë e 730 të infektuar.

Ditën e djeshme presidenti, Makron mori masa drastike ku ndër të tjera u bëri thirrje francezëve të qëndrojnë në shtëpi.

Ndërkohë në Spanja ka shpallur gjendjen e jashtëzakonshme pasi regjistron 533 viktima dhe 11 mijë e 826 të infektuar. Së fundmi edhe bashkëshortja e kryeministrit spanjoll, Pedro Sançez rezultoi pozitive në testin e bërë për Covid-19.

Shqipëria është prekur nga koronavirusi, ku deri më tani janë regjistruar 2 viktima dhe 55 të infektuar, ndërsa Kosova ka shënuar 19 raste me koronavirus./Gazeta Sinjali/