Instituti GAP ka mbajtur konferencë për media, ku ka shpalosur numrin e premtimeve që kryetarët e komunave kanë dhënë në zgjedhjet lokale të mbajtura në tetor dhe nëntor të vitit 2021.
Ky institut ka evidentuar dhe konfirmuar hiç më pak se 1 mijë e 819 premtime të dhëna.
Nga këto del të jetë se shumica e premtimeve ishin rreth shërbimeve publike, arsimit dhe kulturës, ndërsa përqindja më e vogël e premtimeve i takon fushës së urbanizmit.
Kryetari me më së shumti premtime është ai i Prishtinës, Përparim Rama, me gjithsej 206, ndërsa me më së paku është ai i Vitisë, Sokol Haliti, me vetëm 19-të.
