image Kurti u bën thirrje shteteve myslimane që ta njohin Kosovën: Ato janë dezinformuar nga Serbia

Politikë

Kurti u bën thirrje shteteve myslimane që ta njohin Kosovën: Ato janë dezinformuar nga Serbia

news image

Kryeministri i Kosovës, Albin Kurti ka zhvilluar një intervistë për “Arab News”, duke ju bërë thirrje vendeve muslimane që ta njohin shtetin e Kosovës.

Në këtë intervistë Kurti tha se është gabim i madh i vendeve me shumicë muslimane që nuk e njohin Kosovën.

Ne mendojmë që është një gabim i madh që disa vende me shumicë myslimane të popullatës nuk e njohin Kosovën. Unë mendoj që ato janë dezinformuar nga Serbia. Dhe disa nga to e bëjnë këtë sepse vazhdojnë të mbajnë lidhje të ngushta me Federatën Ruse”, tha Kurti.

Po ashtu, Kurti iu bëri thirrje këtyre vendeve që ta njohin shtetin e Kosovës.

Megjithatë, unë do t’iu kërkoja të gjitha vendeve në botë, për hir të paqes afat-gjate, sigurisë së qëndrueshme dhe njohjes së të drejtave të popullit për liri dhe vetëvendosje, që ta njohin pavarësinë e Kosovës”, deklaroi Kurti.

Kurti në këtë intervistë foli edhe për vendimin e Kosovës, për ta njohur Jerusalemin si kryeqytet të Izraelit.

Ajo s’ka të bëjë asgjë me qëndrimin tonë për popullin e Palestinës dhe kauzën e tyre. Ne duam të kemi raporte të mira me Palestinën, me autoritetin e Palestinës dhe gjithashtu edhe me popullin e Palestinës”, u shpreh Kurti.

/GazetaSinjali/