Kryeministri i Kosovës, Albin Kurti dhe ministri i Punëve të Brendshme, Xhelal Sveçla, kanë mbajtur konferencë për media, pas sulmit në veri, ku pas mesnatës janë djegur me granata dore zyret e regjistrimit të automjeteve në Zubin Potok dhe Zveçan, shkruan Gazeta Sinjali.
Kurti ka thënë se Njësia Speciale do të largohet atëherë kur nuk do të ketë rrezik në veri.
“Sigurisht që janë parë helikopterë, avione e fluturake të tyre, të prodhimit rusë. Ne nuk kemi pritur nga Serbia sjellje korrekte, sepse i njohim. Vendimet i marrim në bazë të vlerësimeve të gjendjes së sigurisë. Sjellja jonë është profesionale.”
“Njësitë Speciale të Kosovës e kanë arsyen pse janë aty. Është rreziku evident si për policët kufitarë ashtu edhe për pikat kufitare.”
“Pra duhet të peshojë rreziku, të pushojë arsyeja për t’i mbrojtur pikat kufitare dhe policët kufitarë, në mënyrë që të mos ketë Njësi Speciale të Policisë”, tha ai.
