Kryeministri në detyrë, Albin Kurti, ka thënë se korrupsioni i cili është evidentuar në Bordet Publike do të adresohet në Prokurori nga ministritë përkatëse.
Kurti ka thënë se këto gjetje janë bërë nga auditori i brendshëm dhe i jashtëm.
“Sigurisht që bordet e përkohshme janë duke bërë rekomandime janë duke marrë edhe vendime për korrupsionin që po gjejnë aty si rezultat i të dhënave nga auditorët e jashtë dhe të brendshëm të cilët përgjithësisht janë shpërfillur nga menaxhmentet. Pa dyshim që në këtë korrupsion ka shkelje ligji dhe natyrisht që Ministritë do ta bëjë rrugën deri tek Prokuroria por njësoj mund ta bëjë rrugë edhe prokuroria deri te ministra, pasi janë fakte publike”, ka thënë Kurti.