Lideri i Lëvizjes Vetëvendosje, Albin Kurti ka reaguar pas vendimit të Gjykatës Themelore në Prishtinë, e cila shpalli fajtor dhe dënoi me 25 vjet burgim të akuzuarin S.O. për përdhunimin dhe vrasjen e Kujtim Veselit, 11 vjeçarit nga Fushë Kosova, shkruan Gazeta Sinjali.

Përmes një postimi në Facebook, Kurti u shpreh se institucionet dhe zyrtarët shtetërorë duhet të japin llogari, pasi thotë se e lanë Kujtimin plotësisht të pambrojtur nga rreziku që i kanosej.

“Në Kosovë ka shumë “Kujtima”. Problemi është që jo të gjithë i njohim. Jo të gjitha rastet i dijmë. Por, rasti i Kujtimit tonë na rikujton sa probleme fundamentale ka sistemi ynë i drejtësisë i cili duhet të orientohet kah politikat rehabilituese dhe duhet të japë përgjegjësi për dështimin në mbrojtje, e veçanërsisht kur bëhet fjalë për fëmijët”, ka shkruar ndër të tjera Kurti.

Tutje, ish-kryeministri u ka bërë thirrje qytetarëve që ta nënshkruajnë peticionin “Drejtësi për Kujtimin”. /Gazeta Sinjali/