image Kurti përfundon takimin me Borrell e Lajçak, futet Vuçiq

Politikë

Kurti përfundon takimin me Borrell e Lajçak, futet Vuçiq

news image

Kryeministri i Kosovës, Albin Kurti, ka përfunduar takimin me Joseph Borrell e Miroslav Lajçak.

Kështu raporton Evropa e Lirë duke u thirrur në burime, të cilat kanë bërë të ditur se tashmë ata kanë nisur takimin me presidentin e Serbisë.

Blloku evropian e konsideron takimin e sotëm mes Kurtit dhe Vuçiqit – të gjashtin me radhë – si më të rëndësishmin, sepse kësaj here, sipas burimeve në Bruksel, nuk do të ketë diskutime për menaxhimin e krizave, por për një dinamikë të re të raporteve.

Të dyja palët pritet të arrijnë pajtueshmëri për propozimin e BE-së, si një “marrëveshje bazë” për normalizimin e raporteve.

Këtë propozim e përkrahin edhe Shtetet e Bashkuara.

Pas orës 17:00 pritet të nis takimi “kokë më kokë” ndërmjet Kurtit e Vuçiqit.

/GazetaSinjali/