Kryeministri i Kosovës, Albin Kurti, ka reaguar përsëri për kidnapimin e tre policëve kosovarë, i cili ka kërkuar lirimin e menjëhershëm të tyre.
Kurti e ka dënuar aktin e rrëmbimit të tyre dhe po ashtu ka kërkuar nga bashkësia ndërkombëtare që të denoncojë këto akte.
”Tre policë të Kosovës janë rrëmbyer sot nga Forcat e Armatosura të Serbisë brenda kufijve të Kosovës. Si inkursioni i forcave ashtu edhe rrëmbimi janë akte të hapura agresioni ndërkombëtar. Ne bëjmë thirrje për lirimin e menjëhershëm të oficerëve dhe që komuniteti ndërkombëtar të denoncojë këto akte”, ka thënë Kurti.
Three Kosova Police officers were abducted today by Serbian Armed Forces within Kosova's borders. Both the incursion of the forces & the abduction are open acts of int'l aggression. We call for the officers' immediate release, and for the int'l community to denounce these acts.
— Albin Kurti (@albinkurti) June 14, 2023
