image Kurti nuk kthehet në Kuvend, shtyhet seanca për dialogun

Politikë

Kurti nuk kthehet në Kuvend, shtyhet seanca për dialogun

news image

Seanca për të diskutuar rreth dialogut Kosovë-Serbi nuk vazhdoi në pjesën e dytë të ditës. Shkak për këtë u bë largimi i kryeministrit të Kosovës, Albin Kurti, raporton GazetaSinjali.

Meqënëse kryeministri Kurti nuk u kthye në seancë, shefi i grupit parlamentar të PDK-së, Abelard Tahiri, kërkoi që seanca të shtyhet.

“Nëse kryeministri kthehet në rregull, nëse jo, e vazhdojmë ndonjë ditë tjetër kur dakordohemi me opozitën dhe mazhorancën”, tha Tahiri.

Të njëjtin mendim kishte edhe shefi i grupit parlamentar të LDK-së, Arben Gashi.

“Nuk ka kuptim të mbahet debati pa kryeministrin. Ky debat e këto diskutime duhet të bëhen me kryeministrin. Nëse nuk po nihet mirë po e presim derisa t’i kalon”, tha Gashi.

Edhe shefi i grupit parlamentar të AAK-së, Besnik Tahiri, vlerësoi se vazhdimi i seancës nuk ka kuptim pa kryeministrin.

“Edhe ne ndajmë të njëjtin mendim. Seanca s’ka kuptim pa kryeministrin”, tha Tahiri.

E shefja e grupit të Vetëvendosjes deklaroi se kryeministri është në një takim.

“Kjo seancë është ftuar nga opozita. Sipas informatës ai është aktualisht në takim, por prezencën e tij e ka ofruar zv/kryeministri përgjegjës për dialogun. Është seancë të cilën e kanë ftuar dhe sipas kërkesës e vendimit të tyre ne jemi të gatshëm”, tha Mimoza Kusari-Lila.

Seanca e sotme u shoqërua me debate të ashpra.

/GazetaSinjali/