image Kurti flet për emërimet e njerëzve të VV-së në bordet e ndërmarrjeve: Kishim vetëm dy opsione

Kosovë

Kurti flet për emërimet e njerëzve të VV-së në bordet e ndërmarrjeve: Kishim vetëm dy opsione

news image

Kryeministri në detyrë i Kosovës, Albin Kurti, ka komentuar akuzat ndaj Lëvizjes Vetëvendosje për emërimin e anëtarëve e aktivistëve të saj nëpër bordet e ndërmarrjeve publike.

Kurti ka thënë se Qeveria e tij “ka bërë mirë” që njerëzit e VV’së i ka emëruar aty, duke theksuar se kishin dy opsione: të vendosnin disa njerëz të VV-së në borde ose të mos bënin asgjë për disa javë.

“Midis asaj se a të ecim përpara, e mes 39 anëtarëve t’i kemi katër nga VV’ja, apo të mbesim me javë të tëra pa bërë asgjë në këto ndërmarrje, 14 prej 17 të cilave veprojnë me humbje, kemi vendosur për këtë, dhe mendoj që kemi bërë mirë”, është shprehur ai në T7.

Kurti ka theksuar se bëhet fjalë për emërime të përkohshme dhe se anëtarët e tashëm do të zëvendësohen përmes konkurseve. /GazetaSinjali/