Xhiro e 12-të e Premier League përmbyllet sot me një super derbi të futbollit anglez.
Chelsea e pret në Stamford Bridge kampionin Manchester Cityn, në kryendeshjen e javës.
“Qytetarët” pozicionohen aktualisht lider në tabelë me 27 pikë të mbledhura, po aq ka edhe Arsenal e pozicionuar në vend të dytë por me një ndeshje më shumë.
Ndërkohë Chelsea ndodhet në pozitën e 10-të në tabelë me 15 pikë të mbledhura dhe vjen pas një fitore të madhe në javën që shkoi kundër Tottenham, duke ia shkaktuar humbjen e parë skuadrës së Ange Postecoglout.
Dy skuadrat kanë publikuar tashmë formacionet zyrtare të duelit të sotëm.
Chelsea XI: Sanchez, James, Disasi, Silva, Cucurella, Caicedo, Enzo, Gallagher, Sterling, Jackson, Palmer.
Man City XI: Ederson, Walker, Akanji, Dias, Gvardiol, Rodri, Bernardo, Alvarez, Foden, Doku, Haaland.
Dueli fillon nga ora 17:30.
