image Kryeministri Kurti viziton familjen Dehari - Sinjali

Kryeministri Kurti viziton familjen Dehari

news image

Kryeministri i Kosovës, Albin Kurti, ka vizituar sot familjen Dehari, për nder të ditëlindjes së aktivistit tashmë të ndjerë, Arbënor Dehari, shkruan Gazeta Sinjali.

Përmes një postimi, Kurti tha se aktivisti i Lëvizjes Vetëvendosje, Arbënori, vdiq në rrethana ende të pasqaruara.

“Nëna Xhemile na e dha për ta shfletuar albumin me fotografitë e fëmijërisë së Arbënorit. Babai i tij Avniu në rininë e tij dukej porsi Arbënori aktivist i VETËVENDOSJE!-s, kurse nëna Xhemile porsi vajza e saj Albana sot, motra e Arbënorit dhe Astritit!”, shkroi ndër të tjera Kurti në Facebook.

Postimi i plotë:

Pas nderimeve për Ilir Konushevcin dhe Dr. Hazir Malajn te varrezat e dëshmorëve në Prishtinë, vizituam familjen Dehari në ditëlindjen e Arbënorit i cili vdiq tragjikisht në rrethana ende të pasqaruara.

Deri në rënien e tyre heroike Iliri dhe Dr. Haziri kanë qenë punëtorë të luftës çlirimtare dhe luftëtarë që çlirimin e vendit e kishin punë të përditshme. 23 vjet pas rënies së tyre ia kujtojmë vetes si qeveri e institucione rrugën dhe sakrificën e tyre, gjithnjë për hir të së ardhmes sonë dhe të brezave që do të vijnë.

Nëna Xhemile na e dha për ta shfletuar albumin me fotografitë e fëmijërisë së Arbënorit. Babai i tij Avniu në rininë e tij dukej porsi Arbënori aktivist i VETËVENDOSJE!-s, kurse nëna Xhemile porsi vajza e saj Albana sot, motra e Arbënorit dhe Astritit!

/Gazeta Sinjali/


Shpërndaje artikullin