image Kryeministri i Sllovenisë jep dorëheqje, bën thirrje për zgjedhje të reja

Rajon

Politikë/ Kryeministri i Sllovenisë jep dorëheqje, bën thirrje për zgjedhje të reja

news image

Kryeministri i Sllovenisë, Marjan Sarec ka dhënë dorëheqjen duke bërë thirrje për zgjedhje të reja. Dorëheqja u bë sot, ndërkohë që koalicioni qeverisës po përballet me një ngërç politik. Ai tha se qeveria e tij, e cila është në pakicë, nuk është më e aftë të çojë përpara legjislacione të rëndësishme. 

Deklarata e tij erdhi pak pas dorëheqjes së ministrit të Financave, Andrej Bertoncelj.

“Kam vepruar në mënyrë profesionale dhe transparente gjatë gjithë kohës, duke u përpjekur për të marrë masa për të shtuar mirëqenien ndër breza të popullit tonë dhe rritur qëndrueshmërinë financiare afatmesme. Me këtë koalicion, me këtë gjendje në parlament, nuk mund t’i përmbush pritshmëritë e popullit. Do të kem mundësi ti përmbush pas zgjedhjeve” tha Sarec.

Presidentit të Sllovenisë, Borut Pahor, do i duhet tashmë të fillojë konsultimet me partitë e ndryshme të përfaqësuara në parlament, për të parë nëse ndonjëra prej tyre është në kushte për të formuar qeverinë e re.

Sarec e nisi karrierën e tij si komedian përpara se të hynte në politikë. Ai krijoi një koalicion liberal, në krah të një partie të krahut të djathtë e cila fitoi shumicën e votave në zgjedhjet parlamentare të qershor 2018. /Gazeta Sinjali/