Përmes një kumtese për media, është bërë e ditur se kryeministri i Kosovës, Avdullah Hoti ka nënshkruar deklaratën kundër ngacmimeve seksuale në administratën publike të Kosovës, shkruan Gazeta Sinjali.

Në këtë kumtesë, thuhet se Qeveria e Republikës se Kosovës mbetet e përkushtuar për zbatimin e politikave aktive në fushën e të drejtave të njeriut, mbrojtjen nga diskriminimi dhe krijimin e mundësive të barabarta për të gjithë qytetarët në Republikën e Kosovës.

‘’Bazuar në parimin e mbrojtjes nga diskriminimi dhe me qëllim të zhvillimit të një ambienti të punës të sigurt, të paanshëm, profesional dhe të përgjegjshëm në institucionet e Republikës së Kosovës, sot miratojmë Politikën kundër ngacmimit seksual në organet e administratës publike të Republikës së Kosovës’’, thuhet në kumtesën e Qeverisë së Kosovës./Gazeta Sinjali/