Toni Kroos do të rikthehet në kombëtaren e Gjermanisë para Kampionatit Evropian të kësaj vere, konfirmoi mesfushori i Real Madridit në rrjetet sociale të enjten.
Kroos, 34 – i cili u tërhoq nga futbolli ndërkombëtar në vitin 2021 – kishte zbuluar në fillim të këtij muaji se po konsideronte lëvizjen përpara Euro 2024, i cili do të organizohet nga Gjermania.
“Djema, shkurt dhe pa dhimbje: Nga marsi do të luaj sërish për Gjermaninë”, ka shkruar Kroos në Instagram.
“Pse? Për shkak se u pyeta nga trajneri i kombëtares, jam i gatshëm dhe jam i sigurt se me ekipin në Kampionatin Evropian është e mundur shumë më tepër sesa besojnë shumica!”
Kroos bëri 106 paraqitje për Gjermaninë midis 2010 dhe 2021, duke shënuar 17 gola dhe ishte një anëtar kyç i ekipit që fitoi Kupën e Botës 2014 në Brazil.
Ai u tërhoq pasi u përball me kritika për paraqitjet e tij në Euro 2020, kur Gjermania u eliminua nga Anglia në raundin e 16-të.
Mesfushori ka qenë në karrierën më të mirë për Real Madridin këtë sezon, duke i ndihmuar ata të kryesojnë tabelën e La Ligas.
