image Kroos dhe Modric nuk do të largohen nga Reali, dyshja do të vazhdojë të bëjë 'ligjin' në mesfushën madrilene
[wp-story id="814678"]

Futboll

Kroos dhe Modric nuk do të largohen nga Reali, dyshja do të vazhdojë të bëjë ‘ligjin’ në mesfushën madrilene

news image

Mesfushorët veteranë të Real Madridit, Luka Modric dhe Toni Kroos kanë konfirmuar të dy se do të qëndrojnë në klub pas triumfit të së shtunës mbrëma në Ligën e Kampionëve.

Menjëherë pas festimeve pas fitores 1-0 të “Los Blancos” ndaj Liverpoolit në Paris, 36-vjeçari Modric vendosi një zgjatje të kontratës njëvjeçare deri në qershorin e ardhshëm 2023, sipas Fabrizio Romanos.

Vendimi i Modric u pasua më pas nga komentet e Kroos për “Goal” në të cilat 32-vjeçari tha se do të “vazhdonte këtu në Madrid… edhe dy vjet”.

Në një natë të lavdishme për Real Madridin, i cili mundi Liverpoolin 1-0 falë golit të Vinicius Jr, Modric dhe Kroos dëshmuan përsëri klasin e tyre në mesfushë së bashku me partnerin e tyre afatgjatë Casemiro, i cili është 30 vjeç.

Në raste të panumërta, treshja është vënë në pikëpyetje për moshën dhe gjendjen fizike, por e kanë dëshmuar veten kundër skuadrave më të mira në botë.

Realit iu desh të mposhtte Interin, Paris Saint-Germain, Chelsea, Manchester City dhe Liverpool për të ngritur titullin e tyre të 14-të të Ligës së Kampionëve të shtunën, dhe Modric dhe Kroos kanë qenë pjesë përbërëse e suksesit të tyre.

Modric ka kaluar një dekadë në Real që kur u transferua nga Tottenham dhe dëshira e tij për të përfunduar karrierën e tij në klub është e njohur. Kroos u bashkua nga Bayern Munich në vitin 2014. Të dy tani kanë fituar pesë tituj të Ligës së Kampionëve.

Real Madridi duket se po planifikon për jetën pas Modric dhe Kroos, me nënshkrimin e Eduardo Camavingas nga Rennes verën e kaluar dhe po flitet që është afër një transferimi të mesfushorit Aurelien Tchouameni nga Monaco.

/GazetaSinjaliSport/