Kolona të gjata janë krijuar në magjistralen Prishtinë-Pejë, konkretisht në kodrën e Dollcit. Patrulla të policisë së trafikut nuk kanë dalur për ta monitoruar gjendjen ndërsa rreziku për aksidente është i lartë për shkak të tentativave të vazhdueshme për tejkalim.

Si pasojë e mungesës së policisë, për ta rregulluar trafikun në udhëkryqin Klinë, Gjakovë, Prishtinë, kolona ka arritur deri në pesë kilometra.

Sot, sinjalizues të Sinjalit kanë thënë se ka pasur mungesë të pranisë policore të trafikut rrugor nga Prishtina deri në Pejë.

“I vetmi vend ku policia ishte prezent ka qenë fshati Leshan”, thotë ky sinjalizues.

Në këto ditë me fluks enorm të trafikut, mungesa e policisë në rrugë, po shton rrezikun e shkaktimit të më shumë aksidenteve. /Sinjali/