image KQZ mban mbledhje në ditë pushimi, kjo është arsyeja

Politikë

KQZ mban mbledhje në ditë pushimi, kjo është arsyeja

news image

Komisioni Qendror Zgjedhor ka njoftuar se sot do të mbajë një mbledhje për përgaditjen e zgjedhjeve të jashtëzakonshme që do të mbahen më 14 shkurt, shkruan Gazeta Sinjali.

Zëdhënësi i KQZ-së, Valmir Elezi për Gazetën Sinjali ka bërë të ditur se në këtë takim do të vendoset për caktimin e afateve të aktiviteteve zgjedhore.

“KQZ-ja, fillimisht vendos për caktimin e afateve të aktiviteteve zgjedhore, duke i shkurtuar këto afate dhe përshtatur me ditët që do t’i kemi në dispozicion për përgatitjen e zgjedhjeve, si dhe do të miratohet plani operacional, ku janë të listuara të gjitha aktivitetet që do të kryhen nga KQZ-ja që nga dita e parë dhe deri në përmbylljen e procesit zgjedhor”, tha Elezi.

Një ditë më parë, Gjykata Kushtetuese publikoi aktgjykimin lidhur me votimin e Qeverisë së Kosovës, kurse po të njëjtën ditë, u.d e Presidentit, Vjosa Osmani ka shpërndarë legjislaturën e shtatë dhe caktoi 14 shkurtin datë për mbajtjen e zgjedhjeve./Gazeta Sinjali/