Komisioni Qendror i Zgjedhjeve, ka njoftuar se ka miratuar udhëzimin për masat mbrojtëse për votuesit dhe për stafin zgjedhor për zgjedhjet e 29 nëntorit në Mitrovicën e Veriut dhe në Podujevë, shkruan Gazeta Sinjali.

Sipas njoftimit, qëllimi i këtij udhëzimi është: përcaktimi i masave mbrojtëse për parandalimin e infektimit me COVID-19 për votuesit dhe stafin zgjedhor në hapësirat ku mbahen zgjedhjet; përcaktimi i masave mbrojtëse gjatë procesit të numërimit të fletëvotimeve në vendvotime dhe përcaktimi i masave mbrojtëse gjatë dorëzimit dhe pranimit të materialit zgjedhor./Gazeta Sinjali/