image KQZ-ja vendos për rinumërimin edhe të 8 vendvotimeve për kryetar dhe 35 për kuvende komunale - Sinjali

KQZ-ja vendos për rinumërimin edhe të 8 vendvotimeve për kryetar dhe 35 për kuvende komunale

news image

Komisioni Qendror i Zgjedhjeve mori vendim për rinumërimin e 43 vendvotimeve të Zgjedhjeve Lokale 2021

8 vendvotime u takojnë Zgjedhjeve për Kryetarë të Komunave, ndërsa 35 vendvotime të tjera u takojnë Zgjedhjeve për Kuvende Komunale.

Vendimi i fundit i KQZ-së, për rinumërimin e 40 vendvotimeve, u mor pas rekomandimit nga Qendra e Numërimit dhe Rezultateve se pas procesit të hetimit të formularëve të rezultateve, të njëjtit nuk kishin mundur të regjistrohen si të rregullt.

Sipas KQZ-së, ka mospërputhje të të dhënave në formularët e rezultateve, ngatërrim të kategorive të fletëvotimeve, si dhe ka mospërputhje të votave të subjekteve me votat e kandidatëve.

Rinumërimi i këtyre vendvotimeve pritet të fillojë të hënën pasdite, në orën 17:00.

Pas rinumërimit të këtyre vendvotimeve pritet të fillojë numërimi i votave me kusht dhe atyre të personave me nevoja të veçanta./GazetaSinjali/


Shpërndaje artikullin