Autostrada për në Kiev është jashtëzakonisht e qetë, me shumë pak automjete që lëvizin në të dy drejtimet.
Gjatë rrugës ka dëshmi të luftës.
“Sapo kemi kaluar rrënojat e një kolone me katër automjete ushtarake ukrainase – njëra prej tyre ishte një sistem raketor i mbrojtjes ajrore. Ata u goditën dje nga një sulm raketor rus. Tymi po ngrihej ende“, raporton BBC.
Konvoji padyshim po shkonte për në Kiev për të qenë pjesë e një mbrojtjeje gjithnjë e më urgjente të qytetit. Ai u shkatërrua rreth një orë me makinë nga qyteti.
Marrja e kontrollit të kryeqytetit është vendimtare për Moskën dhe për suksesin e pushtimit rus.
Por kjo mund të përfshijë luftime rrugë më rrugë. Lufta urbane si kjo do të thotë humbje të rënda për të dyja palët.
Deri më tani, rreth orës 9 të mëngjesit të ditës 3 të pushtimit, qyteti mbetet fort në duart e Ukrainës.
Zyrtarët ukrainas thonë se situata është “nën kontroll” në qytet dhe në periferi.
