Sulmuesi i Borussia Dortmund, Sebastien Haller ka pasur një operacion të suksesshëm për të hequr një tumor, ka konfirmuar drejtori sportiv i klubit, Sebastian Kehl.
Ndërkombëtari i Bregut të Fildishtë u diagnostikua me kancer testikular në fillim të këtij muaji.
28-vjeçari, i cili iu bashkua skuadrës gjermane nga Ajax në një marrëveshje prej 34.5 milionë euro (29 milionë £/35 milionë dollarë) këtë verë, tani do të fillojë rikuperimin e tij pas një operacioni.
“Operacioni shkoi shumë, shumë mirë dhe ai është në rrugën e duhur”, tha Kehl për 1&1.
“Ai ishte super i qëndrueshëm dhe tepër pozitiv dhe gjithashtu i tha ekipit: “Bëni punën tuaj, jepni gjithçka. Sigurohuni që kur të kthehem, ne jemi ende në garë”. Dhe djemtë do ta bëjnë këtë gjithashtu”.
Nuk është vendosur se kur sulmuesi do të jetë në gjendje të paraqitet për skuadrën e Bundesligës, por Kehl pranoi: “Ai patjetër do të jetë jashtë për disa muaj”.
Duke qenë se Dortmundi pritet të jetë pa nënshkrimin e tyre të ri për disa kohë, ata thuhet se po kërkojnë të sjellin një tjetër sulmues për të plotësuar vendin e tij.
Haller ishte blerë për të zëvendësuar Erling Haaland pas kalimit të norvegjezit te kampioni i Premierligës, Manchester City.
Kehl ka pranuar se BVB po shikon një tjetër mundësi për t’i shtuar skuadrës së trajnerit Edin Terzic përpara se të fillojë sezoni i ri.
“Ne po përgatitemi për skenarë të ndryshëm”, tha ai. “Edin, [CEO Hans-Joachim Watzke] dhe unë po flasim me departamentin e skautizmit dhe po punojmë për opsione dhe ide të ndryshme. Asgjë konkrete për momentin.”
