Shumë njerëz kanë probleme me lëkurën e yndyrshme, e cila është e zakonshme në adoleshencë e ndonjëherë vazhdon edhe në moshë madhore.

Nëse nuk e dini se a keni lëkurë të yndyrshme apo jom, atëherë këto janë simptomat që e tregojnë qartë këtë gjë: prodhimi i tepruar i sebumit, puçrra në fytyrë, pika të zeza dhe fytyrë me shkëlqim.

Një nga zgjidhjet më efektive për të rregulluar këtë është gjendur te maskat e fytyrës. Natyrisht jo të gjitha janë të përshtatshme për këtë lloj problemi, është e domosdoshme që përbërësit e pranishëm të jenë me efekt pastrues, në mënyrë që të eliminojnë papastërtitë dhe të krijojnë një frenim në prodhimin e sebumit të egër.

Sipas Glamour.it, lajm i mirë është se ju mund të bëni maska ​​për këtë lloj lëkure fare lehtë, në shtëpi, falë recetave të thjeshta dhe përbërësve të lehtë për t’u gjetur.

Çaji jeshil, mjaltë dhe limon

Në këtë rast, vetitë anti-oksiduese të çajit të gjelbër shtohen në substancat e astringentit të limonit dhe te vetitë pastruese të mjaltit. Në veçanti, një maskë e këtij lloji do t’ju ndihmojë të rregulloni prodhimin e sebumit, duke shtuar një efekt anti-plakje dhe tonifikim të lëkurës.

Përzieni tri lugë mjaltë me lëng limoni dhe çajin jeshil. Dy pjesët e lëngshme nuk duhet të jenë shumë të bollshme: përzierja nuk duhet të hidhet, por të krijohet masë kremoze që aplikohet në fytyrë.