Numri i viktimave të COVID-19 po vazhdon të jetë i lartë në Kosovë. Vetëm gjatë 24 orëve të fundit, Ministria e Shëndetësisë njoftoi se si pasojë e infektimit me koronavirus, kanë ndërruar jetë 20 qytetarë, raporton Gazeta Sinjali.

Sipas të dhënave të publikuar nga kjo ministri, bëhet e ditur se 11 nga viktimat i takojnë gjinisë mashkullore dhe nëntë të tjerat gjinisë femërore.

Shumica e viktimave, tetë prej tyre, ishin persona të moshuar, mbi 80 vjeç, ndërkaq, pesë nga të vdekurit ishin mbi 70 vjeç.

Pesë të tjerë i takonin moshës mbi 60-vjeç, një asaj mbi 50 dhe dy të tjerë ishin mbi 40 vjeç./Gazeta Sinjali/