Pak më parë Gazeta Sinjali raportoi për një aksident trafiku në Gjilan, ku janë përfshirë një veturë dhe një motoçikletë. E si pasojë e këtij aksidenti një person ka pësuar lëndime dhe është dërguar për ndihmë mjekësore.
Drejtoresha e QKMF-së, Arbenita Azemi, i tha Sinjalit se viktima është i moshës 20-vjeçare dhe njoftoi se ai ka pësuar lëndime të lehta trupore dhe më pas është dërguar në Emergjencën e Spitalit të Gjilanit.
Sinjali kontaktoi edhe me drejtorin e Spitalit të Gjilanit, i cili tha se të gjithë personat e lënduar në aksidente gjatë ditës së sotme janë liruar për në shtëpi.
Gazeta Sinjali është ende në pritje të përgjigjes nga Policia e Kosovës.
