Zëdhënësi i Ministrisë së Punëve të Jashtme të Kinës, Wang Wenbin, tha sot se veprimet e njëanshme të autoriteteve të Prishtinës nuk çojnë në zgjidhjen e çështjes së Kosovës.
“Kina beson se çdo veprim i njëanshëm nuk çon në zgjidhjen e çështjes së Kosovës, as nuk çon në paqen dhe stabilitetin rajonal. Ne mbështesim palët përkatëse për të arritur një zgjidhje të pranueshme politike reciproke përmes dialogut në kuadër të rezolutave përkatëse të Këshilli i Sigurimit i Kombeve të Bashkuara”, tha Wang në një konferencë të rregullt për shtyp, duke komentuar vendimin e Qeverisë për ndalimin e përdorimit të dinarit në Kosovë, raporton China Daily.
Po ashtu, ai deklaroi se është e nevojshme të mbrohet e drejta për mbijetesë dhe zhvillim të banorëve të “të gjitha grupeve etnike në Kosovë”.
