Theo Hernandez pranon se shënoi ‘një gol të jashtëzakonshëm’ dhe zbulon se çfarë po mendonte teksa filloi atë vrapim për të mposhtur Atalantën 2-0.
Fitorja e pestë në Serie A u sigurua në San Siro falë Rafael Leaos në një asistim të Junior Messias dhe Theo Hernandez që nisi vrapimin nga zona mesfusha për të shkuar përpara dhe për të konkretizuar golin te sulmi.
“DAZN” llogariti se ai udhëtoi 95 metra me topin në këmbë në një lëvizje ‘solo’ për të shënuar golin.
Ky rezultat do të thotë se nëse Interi nuk e mposht Cagliarin në Sardenjë këtë mbrëmje, atëherë Milani do të kurorëzohet kampion i Serie A me një xhiro të mbetur.
“Unë bëj gjithçka për këtë ekip, është një mbrëmje e pabesueshme me të gjithë njerëzit tanë. Pas një kohe kaq të gjatë, ata janë shumë të lumtur dhe unë jam shumë i lumtur që luaj për Milanin”, tha Theo Hernandez për DAZN.
“Fillova dhe mendova se do të shkoj deri në fund. Ishte një gol i jashtëzakonshëm, por puna e palodhur e të gjithë bashkëlojtarëve dhe tifozëve e bëri të mundur.
“Më vjen mirë që djali im ishte këtu për ta parë, është një natë e mrekullueshme. Jemi afër, jemi një javë larg Scudetto-s, duhet të japim gjithçka dhe kaq. Jemi shumë të lumtur.”
Theo Hernandez u pyet nëse Milani tani do të mblidhet për të parë ndeshjen Cagliari-Inter?
“Jo, unë dua të shoh djalin tim tani dhe kaq.”
