Një AK 47 dhe njëzet e dy fishek i janë sekuestruar nga shtëpia një personi në fshatin Frashër, të Mitrovicës.

Sipas policisë sekuestrimi ka ndodhur në katin e dytë të shtëpisë së të dyshuarit, raporton Sinjali.

“Gjithashtu në vendin e ngjarjes janë gjetur edhe dy granata dore dhe do detonatorë të cilat janë sekuestruar nga ekipi përkatës EOD”, thuhet në raportin 24 orësh.

I dyshuari nuk është hasur nga policia, kurse në lidhje me rastin është konsultuar prokurori i shtetit.

Rasti po cilësohet si “armëmbajtje pa leje”, ndërsa po vazhdon të hetohet.  /GazetaSinjali/