Lufta në Ukrainë, ka hyrë në muajin e dytë, derisa një gazetë pro-Kremilit sot raportoi se “Paqja është më afër”, shkruan BBC.
Por, edhe publikimet më optimiste ndaj paqes pranojnë se negociatat kanë ende një rrugë të gjatë për të bërë. Dhe ka pak prova që sugjerojnë se Moska është e përkushtuar ndaj çdo forme kompromisi.
Ajo mund të ketë njoftuar se do të reduktojë në mënyrë drastike aktivitetin ushtarak rreth Kievit dhe Chernihiv, por nuk nxitoi të theksonte se ky nuk ishte një armëpushim.
Dhe kërkesat e Moskës (duke përfshirë që Kievi t’i dorëzojë Rusisë kontrollin e territorit) nuk kanë ndryshuar.
Edhe gjuha zyrtare mbetet luftarake; pak pasi bisedimet përfunduan dje, një zëdhënëse e ministrisë së jashtme dha një intervistë televizive në të cilën ajo iu kthye një narrative të njohur të Kremlinit, duke këmbëngulur se Ukraina duhet të shpëtojë nga nazistët.
Dhe ne ende nuk e dimë me siguri se çfarë dëshiron vërtet Vladimir Putini dhe sa larg është i përgatitur të shkojë për ta arritur atë.
Ai vazhdimisht ka konsideruar Ukrainën, NATO-n dhe Perëndimin si armiq të Rusisë. Vendi i tij mund të sanksionohet, pushtimi i tij mund të mos ketë shkuar sipas planit, por ai mbetet sfidues, i vendosur t’u tregojë rusëve se “operacioni i tij special ushtarak” ka po fiton.
