Teksa pothuajse në të gjithë botën ka filluar vaksinimi, restorante të shumta kanë bërë zgjidhjen për të parandaluar përhapjen e COVID-19 në ambientet e tyre, transmeton Gazeta Sinjali.
Një zgjidhje kreative është bërë edhe nga një restorant në Filadelfia, të cilët kanë filluar zbatimin e politikës “Jo vaksinë, jo shërbim”.
Në hyrje të restorantit, menaxheri kërkon nga çdo klient, pasaportën e vaksinimit, me kartën e identitetit, për të qenë të sigurt, që janë vaksinuar dhe nuk përbëjnë rrezik, për stafin, por edhe për klientët e tjerë.
Ky vendim, që po ndiqet kudo edhe në Florida, kryesisht në bare restorante, si dhe klube nate, ka nxitur debat mes vendasve.
Shtetet e Bashkuara kanë raportuar mbi 100 mijë raste të reja ditore, këtë fundjavë, niveli më i lartë në 6 muajt e fundit. Thuajse 400 vetë kanë humbur jetën në 24 orë, ndërsa shtrimet në spitale janë në nivelin më të lartë që nga muaji shkurt. Epiqendër e shpërthimit të virusit raportohet të jetë pikërisht Florida, me thuajse 40 mijë raste vetëm këtë fundjavë.
