Trim Ademi i njohur me emrin artistik si Capital T, ka gati projektin më të ri muzikor.
Kënga titullohet “Je T’aime” dhe do të publikohet e shoqëruar me videoklip nesër (14 shkurt), në orën 14:02, shkruan Gazeta Sinjali.
Këtë e ka bërë të ditur vetë Capital T përmes rrjetit social Instagram, ku numëron mbi 1 milion ndjekës.
“A ki mi thon najkujt “Je T’aime” ? Me 14.02.20 ne ora 14:02 e ki mundesine“, ka shkruar ai në mbishkrimin e videos së publikuar, ku shfaqet një sekuencë e shkurt nga klipi i këngës.
Artisti nuk ka dhënë detaje të tjera rreth këtij projekti dhe mbetet të shihet se çfarë ka përgatitur ai për publikun.
Teksa kujtojmë se “600PS”, është projekti i fundit muzikor i Capital T. Kënga është publikuar më 15 janar të këtij viti dhe numëron mbi tre milionë klikime në kanalin YouTube./Gazeta Sinjali/
