Ish-diplomati i Shteteve të Bashkuara të Amerikës, William Walker, javën e ardhshme do të vijë në Kosovë.
Me ftesë të zëvendëskryeministrit në detyrë, Behgjet Pacolli, Walker do të vijë në Kosovë për 21 vjetorin e masakrës së Reçakut.
Lajmin e ka bërë të ditur zëdhënësi i Ministrisë së Punëve të Jashtme dhe këshilltari i Pacollit, Jetlir Zyberaj.
Javë më parë, presidenti i Serbisë, Aleksander Vuciq e ka mohuar masakrën e Reçakut, duke e sulmuar edhe ambasadorin William Walker. /Gazeta Sinjali/
