Ish-senatori republikan i Nebraskës, Ben Sasse, ka dhënë lajme inkurajuese lidhur me luftën e tij kundër kancerit të pankreasit në fazën e katërt.
Sasse ka bërë të ditur se trajtimi me një ilaç eksperimental të quajtur daraxonrasib ka sjellë një reduktim të ndjeshëm të tumoreve në trupin e tij. Në një intervistë për “60 Minutes”, ai deklaroi se vëllimi i tumoreve ishte zvogëluar me rreth 76 për qind brenda katër muajve.
Sipas tij, përmirësimi ka ndikuar edhe në zvogëlimin e dhimbjeve dhe në uljen e përdorimit të morfinës. Sasse është pjesë e një prove klinike për daraxonrasibin, një ilaç oral që synon proteinën e ndryshuar KRAS, e cila mund të shkaktojë rritjen e pakontrolluar të qelizave kancerogjene.
Ish-senatori njoftoi në dhjetor të vitit 2025 se ishte diagnostikuar me kancer të pankreasit në fazën e katërt, i cili ishte përhapur edhe në pjesë të tjera të trupit.
Megjithëse rezultatet e deritanishme janë premtuese, daraxonrasibi mbetet një trajtim eksperimental dhe efektiviteti i tij po vazhdon të vlerësohet në kuadër të provave klinike.
Sinjali – aty ku e vërteta flet para lajmit!
