Ish-ambasadori i Holandës, Robert Bosch, e ka mbështetur postimin e presidentes Vjosa Osmani, në të cilin i ka përmendur disa prej arsyeve se pse nuk ka progres në dialogun Kosovë-Serbi.
“Përmbledhje shumë e mirë e problemeve nga presidentja Vjosa Osmani”, ka shkruar Bosch në rrjetin social Facebook.
Osmani bëri një reagim të gjatë e të ashpër duke i përmendur 15 marrëveshje të cilat Serbia s’i ka zbatuar.
Ajo e akuzoi Borrellin për anshmëri në procesin e dialogut, dhe sipas saj, ky i fundit akomodoi agresorin, në këtë rast Serbinë, dhe siç tha ajo, Borrell bëri një prezantim të një realiteti tërësisht të shtrembëruar.
