Interi është në bisedime me Empolin për të nënshkruar me mesfushorin 20-vjeçar Asllani, i cili bëri përshtypje në sezonin e tij debutues në Serie A në sezonin 2021-22.
Il Corriere dello Sport raporton se gjigantët e Serisë A mund të ofrojnë Martin Satriano si pjesë të marrëveshjes. Presidenti i Empolit, Fabrizio Corsi është një admirues i 21-vjeçarit dhe Interi është i hapur ta dërgojë atë në Toskanë në formë huazimi nëse nuk marrin një ofertë me para për të.
Interi e huazoi Andrea Pinamontin te Empoli sezonin e kaluar dhe italiani pati sezonin më të mirë në karrierën e tij deri më tani, duke shënuar 13 gola në 36 ndeshje të Serisë A.
Megjithatë, të dy klubet ende nuk kanë rënë dakord për çmimin e Asllanit, duke qenë se Empoli e vlerëson atë në 16 milionë euro, ndërsa Interi nuk dëshiron të paguajë më shumë se 12 milionë euro.
