Drejtoria e Inspekcionit ka mbyllur përkohësisht gjashtë argjendari mëngjesin e sotëm në Mitrovicë.
Përmes një njoftimi bëhet e ditur se ky vendim u mor si pasojë e mosrespektimit të orarit të punës, raporton Gazeta Sinjali.
Komuna njofton se janë marrë masa konform ligjeve në fuqi dhe përkohësisht kanë ndaluar zhvillimin e veprimtarive të këtyre subjekteve.
Njoftimi i plotë:
Si pasoj e mosrespektimit të orarit të punës, inspektoret komunal mbyllin përkohësisht gjashtë biznese afariste në Mitrovicë
Drejtoria e Inspekcionit ka kryer kontrolle inspektuese sipas detyrës zyrtare në disa subjekte afariste, kryesisht në argjendarit e qytetit të Mitrovicës.
Qëllimi i këtyre inspektimeve ka të bëjë me respektimin e orarit të punës sipas Rregullores Komunale Nr. 03/2014, me ç’ rast janë mbyllur përkohësisht gjashtë argjendari, si pasojë e mosrespektimit të orarit të punës.
Me këtë rast inspektorët komunal kanë marrë masa konform ligjeve në fuqi dhe përkohësisht kanë ndaluar zhvillimin e veprimtarive të këtyre subjekteve.
