Një incident ka ndodhur para disa orësh, në rrugën “Fehmi Agani”, në Prishtinë, te selia e Partisë Demokratike të Kosovës, raporton Gazeta Sinjali.
Sinjalizues të Sinjalit kanë bërë të ditur se një grua është parë te selia e kësaj partie duke fyer punëtorët e sigurimit.
Për shkak të sjelljeve të saj, sinjalizuesit thonë se është njoftuar Policia dhe gruaja e dyshuar është dërguar në stacion policor.
Ende nuk janë të njohura motivet e këtij rasti, por ajo që dihet është se e dyshuara ka qenë në gjendje të dehur.
Sinjali do të ju mbajë të informuar për zhvillimet e reja lidhur me këtë rast.
