Në apelin e Institutit Kombëtar të Shëndetit Publik, kërkohet nga inspektoratet sanitare dhe ato komunale që të zbatojnë Ligjin për parandalimin e sëmundjeve ngjitëse.

Sipas IKSHPK-së, inspektoratet komunale duhet të bashkëpunojnë me shtabet komunale dhe të zbatojnë me patjetër ligjin duke u mbështetur në manualin e Ministrisë së Shëndetësisë për COVID-19.

“Inspektoratet sanitare të AUV dhe Inspektoratet komunale bashkë me shtabet komunale duhet patjetër të zbatojnë Ligjin për Inspektoratin dhe Ligjin për parandalimin e sëmundjeve ngjitëse duke u mbështetur në Manualin për luftimin e COVID-19 dhe të merren masa përgjegjësie në çdo rast të mos zbatimit eventual të rekomandimeve të Institutit Kombëtar”, shkruan IKSHPK.

Ndërkohë që Instituti vazhdon të udhëzojë vendosjen e maskës, të respektohet distanca sociale si dhe të lahen duart më shpesh.

IKSHPK gjithashtu thotë se çdo shkelje e rregullave nga kushdo do të konsiderohet rrezikim i shëndetit dhe jetës së të tjerëve./ Gazeta Sinjali/