Nuk janë të pakta rastet në Kosovë, kur viktima të dhunës në familje janë prindërit të cilët përjetojnë nga fëmijët e tyre dhunë psikike e fizike. Një rast i tillë është raportuar të ketë ndodhur Mitrovicën e Veriut, ku një grua e ka denoncuar djalin e saj për dhunë, raporton Gazeta Sinjali.
Sinjali mëson se viktima ka deklaruar se djali i saj i mitur e ka ofenduar dhe më pas e ka sulmuar fizikisht.
I dyshuari me të kryer veprën është larguar nga shtëpia për në drejtim të panjohur dhe nuk dihet gjë për vendndodhjen e tij.
Me urdhër të prokurorit, rasti është iniciuar ‘Sulm’, ndërsa veprimet tjera ligjore do merren posa të kapet i dyshuari.
