Kjo video tronditëse tregon një burrë të sëmurë me koronavirus që pështyn në fytyrë te një tjetër udhëtar, pak para se të hipte në tren e aty të rrëzohej i vdekur.

Ngjarja ndodhi në Tajlandë, ku Anan Sahoh, 56 vjeç rezultoi pozitiv me Covid-19, pasi ai u gjet pa shenja jete në trenin e linjës Bangkok- Narathiuat.

Në video shfaqet momenti kur ai pështyn te një tjetër person që po blinte bileta.

Viktima kaloi edhe kontrollin e detyrueshëm për temperaturën, ndërsa në tren u shfaq duke u kollitur dhe vjellë.

Tani kërkimi ka nisur për personin tjetër, që mendohet se është infektuar. Frika është e madhe se të dy ata mund të infektojnë të tjerë persona, ndërkohë që pandemia ka sjellë shqetësim të madh në të gjithë botën.