Një aksident tragjik mes një motoçiklete dhe një veture, ia ka marr jetën një 26-vjeçari sot në Gjilan.

Burime të Gazetës Sinjali kanë bërë të ditur se shoferi i veturës Opel Corsa është 60-vjeçari M.H (emër i njohur për redaksinë) nga Ferizaj.

Sipas policisë shkak i aksidentit ka qenë kthimi i pasigurt dhe marrja e përparësisë se kalimit në kryqezim të rrugëve nga ana e shoferit të automjetit Opel Corsa.

Në anën tjetër mësohet se motoçikleta e Debatik Huruglicës kishte qenë pa targa të regjistrimit dhe pa sigurim.

Motoçiklisti u ndesh me veturën në orën 12:00, në rrugën “Halim Orana” në Gjilan.

Lajmin për aksidentin fatal e ka konfirmuar për Gazetën Sinjali edhe zëdhënësi i Policisë së Gjilanit, Ismet Hashani./Gazeta Sinjali/