Këngëtarja e njohur shqiptare me famë botërore, Rita Ora e ka gati projektin e ri muzikor.

Kënga titullohet “How To Be Lonely” dhe do të publikohet e shoqëruar me videoklip më 13 mars, shkruan Gazeta Sinjali.

Këtë e ka bërë të ditur vetë Rita përmes rrjetit social Instagram, ku numëron mbi 16 milionë klikime.

“Jam shumë e entuziazmuar që ta ndaj më ju How To Be Lonely. Kënga do të publikohet në mesnatën e 13 marsit. Ju e keni ditur tash e sa kohë dhe keni qëndruar të qetë!”, ka shkruar ndër të tjera artistja shqiptare në Instagram.

Rita nuk ka dhënë detaje të tjera rreth këngës dhe mbetet të shihet se çfarë ka përgatitur ajo për publikun./Gazeta Sinjali/