Kryeministri i Kosovës, Avdullah Hoti së bashku me ministrin e Infrastrukturës dhe Ambientit, Arban Abrashi, kanë dalur që të inspektojnë ndërtimin e rrugës rajonale Prishtinë-Mitrovicë.

Hoti para mediave tha se ka kohë që janë bërë plot veprime pa qenë në përputhje me ligjet në fuqi të Kosovës.

Për projektin “Lugina e diellit” dhe të tjera në veri Mitrovicës, kryeministri Hoti tha se është i njohur për vështirësitë në zbatimin e ligjit plotësisht në atë pjesë të vendit, por shtoi se nuk do të lejojnë vazhdimisht në këtë mënyrë.

“Në veriun e Kosovës ka kohë që janë bërë plot veprime jo në përputhje me ligjet e Kosovës. Ne nuk kemi qasje tjetër përveç që të insistojmë në zbatim të ligjeve të Republikës së Kosovës. Kjo i bie që nuk ka dy standarde, ligji është një për të gjithë vendin. E di që kemi vështirësi në zbatimin e ligjit plotësisht në atë pjesë të vendit, por nuk do të heqim dorë asnjë herë dhe as nuk do të lejojmë që situata të shkojë ashtu”, tha Hoti./ Gazeta Sinjali/