Thierry Henry ka thënë se situata në Barcelonë do të ishte shumë më e keqe pa Xavin në klub, pavarësisht largimit të tyre të hershëm nga Liga e Kampionëve.
Barcelona u eliminua nga kompeticioni elitar i Evropës në fazën e grupeve për sezonin e dytë radhazi të mërkurën mbrëma, pasi Interi mundi Viktoria Plzen për të vulosur largimin në fazën eliminatore përpara humbjes 3-0 të Blaugranas ndaj Bayern Munich në Camp Nou. Skuadra e Xavit ka fituar vetëm një ndeshje në Evropë këtë sezon dhe dështimi i tyre për të arritur në raundin e 16-të i zhyt ata më tej në rrëmujë financiare, megjithatë, Henry beson se situata do të ishte shumë më keq pa spanjollin në krye.
Kur u pyet për kritikat që u bënë ndaj ish-bashkëlojtarit të tij të Barçës, Henry tha për CBS Sports: “Shiko në fund të ditës ka rëndësi rezultati, ne e kemi parë atë me Steven Gerrard. Problemi te Barcelona është se nuk ke kohë. Por po, më lejoni t’ju them nëse do të ishte një trajner tjetër tani në Barcelonë, që merrej me atë që po ndodh, do të kishte qenë një vullkan edhe më shumë se çfarë është… vullkani do të kishte shpërthyer. Por për shkak se është Xavi, është në rregull”.
Henry vazhdoi të nënvizonte shanset që Barça humbi në humbjen e tyre jashtë fushe ndaj Bayern Munichut dhe një thirrje të diskutueshme VAR në shtëpi ndaj Interit, por gjithashtu pranoi se Xavi është nën një qendër të madhe të vëmendjes për shkak të transferimeve të verës. “Ata janë të dytët në ligë. Ne të gjithë e dimë se [Robert] Lewandowski duhet të kishte shënuar në Bayern, por nuk është faji i tij [Xavi] që Lewandowski humbi tre raste dhe nuk është faji i tij nëse ata nuk e shënuan penalltinë për [Denzel] Dumfries, por ju jeni trajneri në Barcelonë dhe ju do të gjykoheni”, ka deklaruar ikona franceze.
