image Haziri – Osmanit dhe të tjerëve: Edhe nëse mendoni ndryshe, votoni nesër si ekip

Kosovë

Deklaratë/ Haziri – Osmanit dhe të tjerëve: Edhe nëse mendoni ndryshe, votoni nesër si ekip

news image

Nënkryetari i Lidhjes Demokratike të Kosovës, Lutfi Haziri, pret që nesër deputetët e LDK-së të jenë unik dhe të votojnë për rrëzimin e Qeverisë Kurti.

Në një bisedë telefonike, Haziri ka thënë se deputetët duhet jenë besnikë ndaj partisë që e përfaqësojnë.

“Apeli im, të jenë bashkë. Edhe kur mendon më ndryshe, duhet të jesh me ekipin”, ka thënë Haziri në Frontal.

Ai ka pasur një kërkesë edhe për kryetaren e Kuvendit të Kosovës, Vjosa Osmani.

“Besoj se Vjosa fjalën e vet që e ka thënë brenda LDK-së do të thotë edhe nesër. Nuk duhet të lejojmë që, për hesapet e dikujt, shtëpia jonë politike të kërcënohet nga askush”, ka thënë Haziri.

I pyetur se a do të rrëzohet nesër Qeveria Kurti, Haziri ka dhënë një përgjigje interesante.

“Nuk është mirë të bëhet kjo pyetje në ditëlindje të kryeministrit, duhet ta lëmë të festojë me familje ditëlindjen e tij”, ka thënë Haziri.