image Haxhiu pyet Kurtin: A je me Pfizerin apo Sputnikun?

Politikë

Haxhiu pyet Kurtin: A je me Pfizerin apo Sputnikun?

news image

Deputeti i Partisë Demokratike të Kosovës, Bekim Haxhiu, i ka parashtruar pyetje kryeministrit Kurti se a është me kompaninë e Pfizerit apo Sputnikut të Rusisë.

Këto deklarime Haxhiu i ka bërë në seancën e sotme, duke thënë se Kurti nuk ka treguar se me cilat kompani të tjera kanë marrëveshje.

Nuk janë 100 kompani, janë 2-3 shumë kredibile dhe 2-3 të diskutueshme. A je me Pfizerin apo Sputnikun”, ka thënë Haxhiu.

Ndërsa, ish-ministri i Shëndetësisë, Armend Zemaj, ka deklaruar se në Qeverinë Kurti janë rritur rastet dhe vdekjet me koronavirus, duke thënë se Qeveria e kaluar Hoti ka kryer disa punë në trajtimin e pandemisë.

Deputeti Zemaj tha se ka pasur angazhim nga dikush për sigurim të vaksinës në rrugët e presidentit serb, Aleksandër Vuçiq dhe nga Kina, mirëpo sipas tij, kjo nuk është lejuar.

“Plani i imunizimit, mirëmbajtja, listat e QKMF-së, grupet se kush duhet të vaksinohet, janë të siguruara në dorë të Ministrisë”, ka thënë Zemaj.

Zemaj ndër të tjerash ka përmendur sigurimin e vaksinës gjatë udhëheqjes së tij në MSH, ku ka thënë se sigurimi i 720 mijë vaksinave u ka kushtuar mbi 10 milionë euro.

“Duhet përshëndetur sigurimi i 720 mijë vaksinave që në vlerë monetare i kalon më shumë se 10 milionë euro”./GazetaSinjali/