image Haradinaj e quan Kurtin mashtrues: E demonizuan Kosovën C

Politikë

Haradinaj e quan Kurtin mashtrues: E demonizuan Kosovën C

news image

Kryetari i AAK-së, Ramush Haradinaj, po vazhdon të akuzojë dhe kundërshtojë kryeministrin Kurti sa i përket krizës energjetike, shkruan Gazeta Sinjali.

Haradinaj, përmes një postimi në Facebook, ka thënë se Kurti dhe organizata e tij kurrë nuk kanë ndaluar të fyejnë, shajnë e demonizojnë çdo projekt energjetik.

Gjatë gjithë ekzistencës politike të Kurtit dhe të organizatës së tij kurrë nuk kanë ndaluar të fyejnë, shajnë e demonizojnë çdo projekt energjetik që ka ekzistu në Kosovë. Këta e demonizuan Kosovën C, që në vitin 2008 do të duhej të fillonte të ndërtohej“, ka thënë ish-kryeministri.

Ai e ka quajtur Kurtin ‘mashtrues që shitet si i vetmi person që ka qenë kundër shitjes së distibucionit’.

Postimi i plotë:

Sa e paftyrë pafajësia energjetike e Albin Kurtit!

Si me pas ardh prej Marsit këtë vit dhe me gjetë këtë gjendje të rëndë energjetike. Qe 11 vjet Lëvizja Vetëvendosje është parti parlamentare në Kuvendin e Republikës së Kosovës dhe qe 17 vjet në mënyrë aktive funksionon si organizatë politike. Gjatë gjithë ekzistencës politike të Kurtit dhe të organizatës së tij kurrë nuk kanë ndaluar të fyejnë, shajnë e demonizojnë çdo projekt energjetik që ka ekzistu në Kosovë. Këta e demonizuan Kosovën C, që në vitin 2008 do të duhej të fillonte të ndërtohej, e që Kosovës do t’i siguronte 2200 megavat energji. Këta e demonizuan dhe e bënë të qartë se nuk e përkrahin as Kosovën e Re që vitin e ardhshëm do t’i ipte Kosovës 500 megavat energji. Në cilësinë e mashtruesit shitet si i vetmi person që ka qenë kundër shitjes së distribucionit, e harron se shumica e partive politike kanë qenë poashtu kundër.

Distribucioni i Kosovës u shit nga partia më e madhe e kohës e asistuar nga njerëz që sot gjejnë strehë në Lëvizjen Vetëvendosje dhe na shesin moral për interesat nacionale. Kosova është vendi i vetëm në botë që ka resurse energjetike por ka dhe krizë energjetike. Qasja e Albin Kurtit si protagonist global i mjerë, në tendencë në luftën kundër korporatave dhe globalizimit, e ka vulën e vet në krizën energjetike të Kosovës. Kanë qenë korporatat ato që do ta shndërronin Kosovën në fuqi energjetike por fatkeqësisht këto nuk janë në përputhje me ideologjinë e Kurtit. RH

/GazetaSinjali/