Lewis Hamilton edhe zyrtarisht do të vazhdojë të garojë në sezonin 2022 të Formula 1 dhe nuk do të largohet nga Mercedesi sipas spekulimeve.
Edhe pse anglezi mund të paketonte valixhet dhe të largohej në çdo moment, siç e dëshmoi Nico Rosberg në vitin 2016, shoferi dhe ekipi duket se kanë rënë dakord të ecin përpara së bashku me Mercedesin.
Shtatë herë kampioni i botës theu heshtjen e tij dymujore, duke njoftuar rikthimin e tij, me ekipin me bazë në Brackley, që postoi një përgjigje për shtatë herë kampionin, shkruan Marca.
Edhe Pele dhe Serena Williams u emocionuan nga lajmi, duke mirëpritur Hamiltonin e rikthyer, mes emrave të tjerë të mëdhenj brenda dhe jashtë sportit. Kjo ishte përpara se edhe llogaria e Mercedesit të shprehte lumturinë e tyre me lajmin.
Hamiltonit iu dhanë gati dy muaj pushime nga Mercedes dhe ai pritet të kthehet në punë në mesin e këtij muaji, përpara prezantimit të makinës së re Mercedes më 18 shkurt.
Welcome back, @LewisHamilton ???? pic.twitter.com/NVB8hNwCul
— Mercedes-AMG PETRONAS F1 Team (@MercedesAMGF1) February 7, 2022
