Një vjedhje e rëndë ka ndodhur në një shtëpi në Deçan, ku hajnat dyshohet se vodhën mbi 34 mijë euro, shkruan Gazeta Sinjali.
Kështu kanë bërë të ditur burimet e Sinjalit brenda Policisë dhe njoftuan se një burrë ka raportuar në Polici se persona të panjohur kishin thyer derën e shtëpisë së tij, nga ku kanë vjedhur 21 mijë e 554 euro, një orë dore të firmës Rolex, në vlerë të 12 mijë e 600 euro, si dhe franga zvicerane.
Lidhur me këtë ngjarje, rasti është hapur në Polici si “vjedhje e rëndë”.
